ऐरोली , नवी मुंबई येथील जे.व्ही.एम.मेहता महाविद्यालयात मराठी भाषा गौरव दिन मोठ्या दिमाखात साजरा झाला. त्यानिमित्त ‘ गर्जते मराठी ‘ हा मराठी साहित्याचे व संस्कृतीचे दर्शन घडविणारा कार्यक्रम मोठ्या उत्साहाने सादर केला गेला.
कार्मयक्रमाच्या सुरुवातीला मराठी भाषा आणि वाड्.मय मंडळ प्रमुख सौ. मंगल कातकर यांनी मान्यवरांचे स्वागत करून विद्यार्थ्यांना मराठी भाषादिनाचे महत्त्व सांगितले व वाड्.मय मंडळाची भूमिका स्पष्ट केली. या कार्यक्रमासाठी महाविद्यालयाचे प्राचार्य डॉ.बी.आर. देशपांडे व कनिष्ठ महाविद्यालयाच्या पर्यवेक्षिका तृथी प्रदीप उपस्थित होत्या. प्राचार्यांनी अभिजात मराठी भाषेचे महत्त्व सांगून सर्व विद्यार्थ्यांना मराठी भाषादिनाच्या शुभेच्छा दिल्या.
‘गर्जते मराठी कार्यक्रम’ गणेशवंदना व सरस्वती वंदना सादर करुन सुरू करण्यात आला. त्यानंतर लेख, कथा, कविता, अभंग, गवळण, भारुड, कीर्तन, नाट्यगीत, लावणी, कोळी नृत्य अशा विविध कलांचं सादरीकरण विद्यार्थ्यांनी करून मराठी भाषेचं श्रेष्ठत्व दाखवून दिले. शेवटी मराठी अभिमान गीतावर नृत्य सादर केले गेले व राष्ट्रगीताने कार्यक्रमाची सांगता करण्यात आली.
कार्यक्रमात पदवी व कनिष्ठ महाविद्यालयाचे विद्यार्थी सहभागी झाले होते. या सुंदर कार्यक्रमाचे प्रास्ताविक निर्मिती वाघे या विद्यार्थ्यांनीने केले, तर कार्यक्रमाचे निवेदन युगंधर आरोंदकर व आदिती लवंदे या विद्यार्थ्यांनी अतिशय प्रभावीपणे केले. सौ. दिपाली वलेकर यांनी अतिशय समर्पक शब्दांत आभारप्रदर्शन केले.
कार्यक्रम पाहण्यासाठी पदवी व कनिष्ठ महाविद्यालयाचे शिक्षक आवर्जून उपस्थित होते. शेवटी राष्ट्रगीत सादर करुन कार्यक्रमाची सांगता करण्यात आली.
