मुख्यमंत्र्यांच्या आदेशाला डोंबिवलीत केराची टोपली; वाईनशॉपबाहेर उघड्यावर सुरु आहे ओपन बार

डोंबिवली स्टेशन परिसरात वाईन शॉप आहेत. तीथे मद्यपी दररोज वाईन शॉप बाहेरच दारू पित बसलेले आढळून येता. या विरोधात तक्राही करण्यात आली. त्यानंतर रामनगर पोलिस आणि केडीएमसीच्या सहाय्यक आयुक्त हेमा मुंबरकर यांनी त्याठिकाणी धाव घेतली. पोलिसांनी मद्यपींना पिटाळून लावले होते. ज्या ठिकाणी हे मद्यपी दारु पितात, ते कट्टे ही जमीनदोस्त केले. मात्र तरीही हे प्रकार सुरू आहेत. त्यामुळे यामद्य पिणाऱ्यांना तिथे मद्य पिण्यास अटकाव करण्याची जबाबदारी नक्की कोणाची हा प्रश्न निर्माण झाला आहे. रामनगर पोलिस ठाण्याच्या हद्दीत हा प्रकार होत आहे. काही महिन्यापूर्वी या पोलिस ठाण्याच्या हाकेच्या अंतरावर काही तरुण हुक्का पित असल्याची धक्कादायक घटना समोर आली होती. या घटनेतून पोलिसांनी धडा घेतला नाही. त्यामुळेच मद्यपीचे धाडस वाढले आहे. यावर ठोस कारवाई कधी केली जाणार असा सवाल उपस्थित केला जात आहे.